بالصور تعليق الفنانة شذى على كلام عمرو مصطفى وايمن بهجت قمر حول الفنان عمرو دياب والتشكيك فى وطنيته شاهد التفاصيل

بالصور تعليق الفنانة شذى على كلام عمرو مصطفى 

وايمن بهجت قمر حول الفنان عمرو دياب والتشكيك فى وطنيته

 شاهد التفاصيل

** خرجت الفنانة الشابة شذى على الجمهور المصرى منذ ساعات 

لتضع بعد الكلمات تعليقا على ما يحدث الان فى الوسط الفنى

وخاصة موضوع عقود حق النشر بشركة روتانا والتى اثارت

الكثير من الجدل فى الفترة الاخيرة بين الملحن عمرو مصطفى

والشاعر والسيناريست ايمن بهجت قمر 

وقال شذى فى تعليق لها على صفحتها الرسمية

على موقع التواصل الاجتماعى الفيس بوك :

1- ان حل الخلافات يكون في الغرف المغلقه لان احنا كفلاحين مينفعش ننسى

 العيش و الملح و العشره و كمان احنا مبنصدق صوت مصري ينجح و يشرفنا 

و لو كنا هنتكلم عن تاريخ بلدنا اللي بيتباع فمش هنمشي

 على سطر و نسيب سطر كلنا مشتركين في كل حاجه بتحصل من اول

/المنتجين اللي مبيتحمسوش للاصوات المصريه لحد مبقوا المصريين 

بيتعدوا على الصوابع و ابتدا الفن المصري فعلا ميكنش ليه اي هويه

و حاجات كتيره محتاجين مجلدات علشان نقولها ...

 انا بغير عليكوا و على بلدي لما احنا نقف لبعض و منكنش ايد واحده طبيعي

 جدا كام سنه و الفن المصري يختفي لما العواميد تقع بالشكل ده و نخبط في بعض ...

 و اخيرا ايمن بهجت قمر حقك تعترض و متشتغلش مع شركه عندك شك 

في اسلوبها بس بلاش يخلونا نكسر نفسنا بنفسنا .

2- آسفه اني بدخل في خلاف من وجهه نظري شايفه ان قد ايه ميصحش

 بس من دافع غيرتي على الفن المصري اللي بقينا بنتفنن نشوهه

 و حتى الرموز اللي بنتشرف بيها بقينا بنحاول نشوه صورتها ...

 ايمن بهجت قمر من اشطر المؤلفين اللي موجودين و انا اتشرفت بالشغل معاه ...

 عمرو مصطفى اخويا و صديقى و نجحت لما ربنا كرمني و غنيت 

من الحانوا و بعتبروا عبقري مزيكا و موهوب بجد و كلام كتير قوي ...

( عمرو دياب ) ده الاستاذ اللي

كلنا بنحترموا و بنحبوا و بنتعلم منه ممكن نختلف معاه احنا بشر

 بس مينفعش نفكر نشوه في رمز لبلدنا بنتشرف بيه في كل مكان

عمرو مصطفى لما اختلف مع عمرو دياب او مع الشركه اللي بتنتجله

 رفض يتعاون و معداش حاجز الاحترام لنجم بحجم ( الهضبه )

 و دي حاجه تحسب ليه ان عنده ثقافه الاختلاف من غير غلط

و ده اللي بطلبوا من الفنان المحترم و اللي بجد بقدره / ايمن بهجت قمر